Agjencia e Inovacionit dhe Ekselencës

Shpallje vendi vakant për pozicion pune, në Agjencinë e Inovacionit dhe Ekselencës:

Specialist i burimeve njerëzore

Bazuar në Kodin e Punës në Republikën e Shqipërisë, Vendimit nr. 620, datë 1.11.2023 të Këshillit të Ministrave “Për krijimin, organizimin dhe funksionimin e Agjencisë së Inovacionit dhe Ekselencës“, i ndryshuar, Vendimit nr. 893, datë 17.12.2014 “Për miratimin e rregullave të organizimit dhe të funksionimit të kabineteve ndihmëse, të organizimit të brendshëm të institucioneve të Administratës Shtetërore, si dhe për procedurat e hollësishme për përgatitjen, propozimin, konsultimin dhe miratimin e organizimit të brendshëm”, i përditësuar, Ligjit nr. 90/2012 “Për organizimin dhe funksionimin e Administratës Shtetërore”, si dhe Urdhrit Nr. 34, datë 13.2.2024 të Kryeministrit të Republikës së Shqipërisë “Për miratimin e strukturës dhe të organikës së Agjencisë së Inovacionit dhe Ekselencës”, Agjencia e Inovacionit dhe Ekselencës (AIE) shpall 1 (një) vend vakant për pozicionin:

Specialist i burimeve njerëzore

Përshkrimi përgjithësues i punës për pozicionin si më sipër është:

1. Ky pozicion raporton tek Përgjegjësi i Sektorit të Menaxhimit të Burimeve Njerëzore dhe Shërbimeve të Përgjithshme;
2. Zhvillon procedurat e rekrutimit të punonjësve që do të fillojnë detyrën në institucion;
3. Përgatit përshkrimet e punës dhe ndjek realizimin e tyre për çdo punonjës;
4. Administron regjistrin e personelit si dhe përgatit listprezencën;
5. Ndjek procedurat për deklarimin e pasurive dhe parandalimin e konfliktit të interesave për punonjësit e institucionit që mbartin këtë detyrim;
6. Përpunon sistemin dhe përmbledh nëpër regjistra të dhëna statistikore për personelin;
7. Përgatit procedurat dhe ndjek zhvillimin e trajnimeve për punonjësit e institucionit;
8. Mban dhe azhornon regjistrin dhe dosjen personale të secilit punonjës të institucionit;
9. Zbaton detyra të tjera sipas nevojës.

Kushtet dhe kriteret:

Kandidatët duhet të plotësojnë kushtet si vijon:

• Të jenë me shtetësi shqiptare;
• Të zotërojnë diplomë të nivelit “Bachelor”, të përfituar në fund të studimeve në Shkencat Shoqërore, si dhe diploma “Master Shkencor”, të jetë e fushës së sipërpërmendur përshtatur me rolin përkatës. (Diplomat të cilat janë marrë jashtë vendit, duhet të jenë të njohura paraprakisht pranë institucionit përgjegjës për njehsimin e diplomave sipas legjislacionit në fuqi);
• Të kenë eksperiencë pune jo më pak se 1 (një) vit përvojë në administratë publike osë në sektorin privat;
•  Aftësi ekselente komunikimi, verbalisht dhe në shkrim;
• Aftësi të theksuara të mendimit kritik dhe zgjidhjes së problemeve, me një mendësi kreative;
• Përvojë në punën me ekipe të ndryshme dhe aftësi për të punuar në bashkëpunim, me një gradë të lartë të iniciativës dhe fleksibilitetit;
• Përvojë dhe interes për të punuar me institucione qeveritare ose publike;
• Të jetë objektiv dhe profesional;
• Të zotërojë shumë mire gjuhën Angleze.

Paga për pozicionin: Kategoria IV-2

Dokumentacioni, mënyra dhe afati i dorëzimit:

Kandidati i interesuar duhet të dorëzojë dokumentat e mëposhtme:

• Letër interesi për pozicionin;
• Jetëshkrim (CV);
• Kopje të diplomës dhe listës së notave (origjinale ose të noterizuar);
• Kopje të librezës së punës (origjinale ose të noterizuar);
• Kopje të certifikatave të kualifikimit (nëse ka);
• Te dhënat e kontakteve të dy personave që janë të gatshëm të japin rekomandim për kandidatin; ;
• Dëshmi penaliteti;
• Vërtetim nga Gjykata dhe Prokuroria;
• Cdo dokumentacion tjetër që vërteton plotësimin e kushteve të mësipërme, si dhe trajnimet, kualifikimet, arsimin shtesë, vlerësimet pozitive apo të tjera të përmendura në jetëshkrim;
• Certifikatë ose dëshmi për mbrojtjen e gjuhëve të huaja (origjinale ose të noterizuar);
• Numër kontakti dhe adresë e-mail-i.

Kandidatët mund të aplikojnë në format e cilësuara si vijon:

• • Të dërgojnë nëpërmjet postës zyrtare dokumentat në zyrën e protokollit, nga e hëna- të enjte, gjatë orarit zyrtar 8:30-17:00, dhe të premten gjatë orarit zyrtar 8:00-14:00, në adresën si më poshtë:

• Të dergojnë dokumentat bashkëlidhur në adresën e e-mail-it: shkelqe@aie.gov.al, i cili konfirmon nëpërmjet postës elektronike marrjen e aplikimit përkatës.

Aplikimet duhet të dorëzohen në një nga dy mënyrat e përmendura më sipër, brenda datës 1 Korrik 2025, (E Martë), Ora 16:30.

Mosparaqitja e dokumenteve brenda afatit sjell skualifikim të kandidatit.